“Corres como una niña : el género y la diversidad LGTBI en el deporte” de David Guerrero.

“Corres como una niña: el género y la diversidad LGTBI en el deporte” é un ensaio no que se desmontan varios estereotipos de xénero moi arraigados no mundo do deporte. Algúns destes esteorotipos van dende crenzas de que hai deportes para homes e deportes para mulleres, ou que de dependendo da súa orientación sexual unha persoa pode ser mellor ou peor na práctica dun deporte.

Ao longo deste libro o seu autor David Guerrero desmentirá estos estereotipos a través de diversas entrevistas que realizou con deportistas que tiveron que facer fronte a estos clichés, entre eles encontramos deportistas coma Pau Ribes, Alba Palacios, Víctor Gutierrez, Sara Pelaez, María José Martínez Patiño ou Paloma Río.

David Guerrero é un activista en defensa da igualdade, ademais de ser o presidente da asociación “Deporte y Diversidad” e asesor na “Real Federación Española de Atletismo” e na “Fundación Pedro Zerolo” en temas de igualdade de xénero. Nesta obra trata estos temas dunha forma moi dinámica que fai deste libro unha lectura entretida e a vez moi instructiva, tratando temas tan en boga na actualidade como a suposta superioridade dos deportistas transexuais ou a segregación do deporte por xénero. Ademais contén un glosario é un directorio de entidades deportivas LTBI inclusivas, que facilitan unha información extra as persoas que queiran profundizar neste tema.

O noso Grindr bibliotecario os seguintes matchs, dadelles unha oportunidade!! 😉

A continuación o listado de libros recomendados para que non vos perdades ningún título.

• “Minorías: Historias de desigualdad y valentía” de Desirée Bela-Lobedde.
• “Sexismo cotidiano” de Laura Bates.
• “Machismos de micro nada” de Fiadeiras
• “La cultura de la homofobia” de Ramón Martínez.
• “Neoliberalismo sexual: El mito de la libre elección” de Ana de Miguel.
• “As de picas” de Faridah Abike Iyimide.
• “Arroz tres delicias” de Chenta Tsai Tseng.
• “Unos bollos de cuidado” de Alison Bechdel.
• “Orgullo: 50 héroes. 5 décadas de lucha LGTBI+” de Busto Lago.

Se queredes tamén podedes acceder ao noso catálogo para atopar obras do voso interese.

“Besta do seu sangue”, de Emma Pedreira no Grindr

Emma Pedreira aborda nesta novela a vida de Manuel Blanco Romasanta, unha das figuras máis rechamantes do imaxinario español. Romasanta, nado en Esgos (Ourense), viviu durante a primeira metade do Século  XIX, e foi responsable de máis dunha ducia de crimes nos montes de Galicia e O Bierzo. De feito é considerado o primeiro asasino en serie da historia de España. Unha actividade criminal pola que foi condenado a morte e finalmente a raiña Isabel II conmutou o garrote pola cadea perpetua.

Na novela, penso que moi ben documentada e gañadora do Premio Xerais 2018, Pedreira pon de relevo a figura do sacaúntos galego dende unha perspectiva de xénero dando así unha volta de roda á historia oficial.  Que Manuel Blanco Romasanta fose unha muller xa o apuntara o antropólogo Xosé Ramón Mariño e tamén quedou patente coa celebración das III Xornadas sobre Manuel Blanco Romasanta en Allariz no ano 2012, organizadas pola Fundación Vicente Risco.

Manuel ou Manuela, naceu branco e louro e a familia pensou que era unha nena: foi chamado, de feito, Manuela, ata que cumpriu 8 anos. O forense Fernando Serrulla apuntou a que Manuela ou Manuel sufría un estraño caso de pseudohermafroditismo, e aínda que tiña que ser muller segregaba unha enorme cantidade de andróxenos e podía presentar acusados rautos de violencia. Feito que contrastaba co súas delicadas labores “Cosía,  bordaba,  calcetaba. Cortaba traxes e vestidos. Era un ser doce, entrañable, amigo, sobre todo, das súas amigas” que moitas delas se converteron nas súas vítimas. 

Dende logo a vida de Blanco Romasanta aparece ben artellada na novela, cun estilo narrativo que parece que bebe da condición de poeta da autora e que logra atrapar ao lector a medida que nos adentramos nos acontecementos. Home ou muller? o que si consegue Emma Pedreira ao longo das 114 páxinas da historia é que o lector viva case en primeira persoa a indefinición e por tanto a convivencia de ámbalas dúas condicións na figura de Manuel ou Manuela. 

Polo tanto a curiosidade temática dende o punto de vista da intersexualidade activa o noso Grindr Bibliotecario de hoxe e fai match cos seguintes títulos:

•  Inciértico o la rica historia del sexto océano / Marta Echegaray

• Transexualidad, intersexualidad y dualidad de género / José Antonio Nieto Piñeroba

• Middlesex / Jeffrey Eugenides

•  Rara Avis : una teoría queerimpolítica / Daniel J. García López

Pero non esquecemos que Blanco Romasanta foi ademais o primeiro (e ata o de agora único) cidadán español diagnosticado de  licantropía clínica, o que lle valeu o alcume de “home lobo galego”. Así que volvemos facer match coa licantropía e co mito de Blanco Romasanta: 

• El bosque de Ancines / Carlos Martínez-Barbeito

• Romasanta : memorias incertas do home lobo / Alfredo Conde

• Manuel Branco Romasanta, o lobishome asasino / Xosé Ramón Mariño Ferro

• A causa contra Manuel Blanco “o Home Lobo” : expediente xudicial da Audiencia Territorial da Coruña ; coa edición facsímile da “Reseña de la causa… “

E lembra que sempre podes atopar máis máis títulos e facer macht no noso catálogo, o Cascarilleiro!

Encontro con Jesús Castro Yáñez no marco do festival Primaletras

O noso primeiro contacto con Jesús foi aló no mes de agosto de 2021

View this post on Instagram

A post shared by #CulturaLGTB (@clubdelecturaqueerunha)

Xa no Nadal comezamos a lectura de “Campo de plumas” e dimos cumprida conta no Instagram e neste blog cunha entrada adicada a esta escolma de Jesús Castro Yáñez e outros libros similares.

View this post on Instagram

A post shared by #CulturaLGTB (@clubdelecturaqueerunha)

Agora estamos a 24 horas do encontro organizado con Jesús Castro Yáñez, que visitará por vez primeira os dous grupos de lectura LGTB das Bibliotecas Municipais. O encontro será conducido por Alejandro Castro, unha das persoas que integran o club.

O acto é de balde e aberto ao público ata completar a capacidade, e está incluído na programación do Festival Primaletras.

ACTUALIZACIÓN 28/03: accede á grabación do encontro

View this post on Instagram

A post shared by #CulturaLGTB (@clubdelecturaqueerunha)

Así nacen as baleas, de Anxos Sumai, en Grindr

Da man da nova lectura mensual chega o Grindr bibliotecario. Desta volta descubrimos títulos próximos a “Así nacen as baleas” da escritora e bibliotecaria Anxos Sumai.

No catálogo da Rede de Bibliotecas Municipais da Coruña identificamos libros que tratan a descuberta da sexualidade lésbica nas personaxes principais ou o exilio forzoso na busca da propia identidade. Temáticas case sempre moi influenciadas pola presenza da familia.

Esta é a nosa escolla:

• 

• 

• 

• 

• 

• 

• 

• 

• 

• 

• 

• 

• 

E lembra que se queres botarlle unha ollada máis polo miúdo só tes que premer sobre o título e verás a súa sinopse, ubicación e dispoñibilidade a través do noso catálogo.😉

• El azul es un color cálido, de  Julie Maroh
• O derradeiro libro de Emma Olsen, de Berta Dávila
• Permaxeo, de Eva Baltasar
• As fauces feroces, de Emma Pedreira
• Posiciones geográficas, de Suzana Tratnik
• Sputnik, mi amor, de Haruki Murakami
• Aquel verano, de Mariko Tamaki
• ¿Por qué ser feliz cuando puedes ser normal?, de Jeanette Winterson
• Cuando todo cambió, de Donna Milner
• Beatriz y los cuerpos celestes : una novela rosa, de Lucía Etxebarria
• Blue, de Kiriko Nananan
• Prosa completa, de Alejandra Pizarnik
• Si tu supieras, de Antonio Gómez Rufo

Malaherba, de Manuel Jabois, en Grindr

Se abrimos o Grindr bibliotecario con Malaherba nas mans, que outros libros estarían cerquiña?

No catálogo da Rede de bibliotecas municipais da Coruña hai máis materiais que falan do primeiro amor LGTB ou do acoso LGTBfóbico. Velaquí unha pequena mostra:

Se queres quedar con algún deles, clica aquí abaixo e verás a súa sinopse, ubicación e dispoñibilidade 😉

• La sombra del ciprés es alargada, de Miguel Delibes
• Las tribulaciones del estudiante Törless, de Robert Musil
• Los ángeles caídos, de Éric Jourdan
• El ángel descuidado, de Eduardo Mendicutti
• Para acabar con Eddy Bellegueule, de Édouard Louis
• La edad de la ira, de Fernando J. López
• Aristóteles y Dante descubren los secretos del universo, de Benjamin Alire Sáenz
• Al otro lado del espejo, de Jordi Sierra i Fabra
• La chica de Marte, de Tamara Bach
• Niña, mujer, otras, de Bernardine Evaristo

Eixes de debate para Malaherba, de Manuel Jabois

Volvemos ás andadas virtuais. A nosa segunda quedada desta tempada terá que ser onláin e os eixes de debate para MALAHERBA, que xa publicamos en IG, serán estes:

• 

• Descubrindo a sexualidade: sentídesvos identificadxs en algunha parte do relato? que vos parece a narración da descuberta da sexualidade das personaxes principais? Que compartides? Que non?
• Acoso LGTBfóbico: é o mesmo acoso que había nos 80 ou 90? como podemos combatilo a día de hoxe? Que papel poden xogar formas culturais coma os videoxogos na evasión fronte ao acoso? (ai, bendita Chun-Li!)
• Saída do armario e familia: que rol lle atribuídes a Rebe, irmá do protagonista? É unha confidente? É un papel realista? E que opinades da figura do pai?

O debate promete.

Non vos perdades a partir do mércores a estrea mundial dunha nova tipoloxía de entradas neste blog. Irán dentro da recén creada categoría “Grindr bibliotecario” e nelas descubriremos títulos próximos ás nosas lecturas mensuais que poderás atopar no catálogo da Rede de Bibliotecas Municipais da Coruña. A non perder! ❤

Propostas de debate para “A cabeza de Medusa”

Ola, queeruñxs! Como levades os 28º que marcan os mercurios ás 12h dun 28 de maio coma hoxe?

Estamos a 7 días do próximo “encontro” en zoom e imos deixar por aquí unha proposta de temas para o debate sobre a primeira lectura que facemos en dixital a través da plataforma de préstamo de libro electrónico galega, Galiciale: A cabeza de Medusa, de Marilar Aleixandre.

Publicada no ano 2008 foi gañadora da 10ª edición do concurso Premio Fundación Caixa Galicia de Literatura Xuvenil 2008, e do Premio The Withe Ravens (Internationale Jugend Bibliothek) no 2009 e Premio Frei Martín Sarmiento no 2010.

A autora recolle no epílogo que conta a historia con personaxes ficticias, mais que dúas rapazas doblemente violadas existiron nun instituto no que exerceu a docencia. Moitas máis Lupes e Sofías existen e máis necesarias son obras coma esta.

Grazas! Espero que vos interese esta historia da violación social que acompaña á física, e de como facer fronte á vergonza https://t.co/ID2kmaZXCL

— Marilar Aleixandre (@MarilarAleix) May 15, 2020

https://platform.twitter.com/widgets.js

Sabendo que o mollo da historia dá moito de si, poñemos enriba da mesa estas cuestións:

• Sofía, que exixe para si o que é dela, e Lupe, que abandona e logo retoma a demanda con forza. Son dúas evolucións distintas que poñen de manifesto a importancia do acompañamento e dos coidados, do amor e da amizade, mais tamén o que nos di a autora en twitter: como facer fronte á vergonza.
• o papel dos medios de comunicación e a importancia da linguaxe: de como as novas nos xornais evolucionan de “presunto agresor” a “presuntamente agredida“; ou de como o foco se vai movendo dun lado ao outro ata acabar cuestionando as vítimas e facéndoas responsables do que lles acontece, como se fose o seu castigo merecido;
• as masculinidades: Mauricio e Artur representan, quizás, dúas contrapostas. Ao longo de toda a historia só unha personaxe masculina lle fai fronte á toxicidade de quen acusa á vítima. Rubén, aínda que con comparacións a chiscos desafortunadas, é claramente un aliado. E Vicenzo, que é Vicenzo?

Creo que hai dúas violancións. Unha física e outra simbólica, entendes? Unha é a agresión ao teu corpo. Sei que foi arrepiante mais, sen a carga simbolica que lle atribúe a sociedade, non debería preocuparte máis que… que se che atropelasen un pé cunha moto.

Rubén, a Sofía

• as nais e os pais: a nai do violador alíñase coas nais e pais das violadas mediante unha carta na que pide o seu perdón (o dela) e se manifesta solidaria coas rapazas, e non co seu fillo. O pai do violador quere comprar o silencio. Que credes que faría o pai de Lupe se recibe esta oferta?
• o consello escolar con profesorado e nais e pais que reflicten ben a sociedade e o permanente desculpar ás vítimas (homes) das violencias ás que están sometidos: o poder das temidas minisaias. Sería hoxe distinto?
• o estigma social: Jessica é a personaxe estigmatizada por vivir nunha casa de acollida e, vaia, resulta ser a vítima da terceira violación presentada no relato, aínda que fora a primeira en ter sucedido.
• o simbolismo do que fala Rubén: segue sendo o mesmo hoxe, 12 anos despois? Fixo isto un percorrido similar ás denuncias por malos tratos tal e como lle comenta Elvira a Sofía?

Hai vinte anos case ningunha muller denunciaba os malos tratos. Se llo contaba á familia diríanlle que era normal. (…) Afortunadamente as cousas mudaron bastante nestes vinte anos.

Elvira, a Sofía

Quedounos algo? Podes propoñer outras cuestións para o debate!

Preguntas moi interesantes. Comentarei unha cousa: o que ocorre no consello escolar con profes e nais e pais apoiando o acosador, reflicte o que ocorreu no caso real que inspirou a historia; creo que hoxe, moitos anos despois, sería diferente

— Marilar Aleixandre (@MarilarAleix) May 28, 2020

https://platform.twitter.com/widgets.js

Lecturas.gal para #DesconfinarALingua e a LGTBIfobia

En catro anos de andaina do primeiro (e polo momento único) club de lectura LGTB en Galicia, tivemos múltiples oportunidades de atoparnos coas nosas letras e coas creadoras galegas que falan de nós e para nós; que nos interpretan e representan nos diversos espazos literarios.

As letras galegas o 17 de maio teñen unha celebración dobre porque hoxe conmemórase tamén o Día Internacional contra a LGTBIfobia. Cómpre entón destacar o papel que as nosas letras e creadoras teñen na erradicación das violencias e na normalización e visiblización do colectivo LGTB.

Recomendamos aquí algunha das obras en galego que levamos lido no club (podes ver a relación completa na pestana Que limos?):

• Diáspora do amor balea, de Andrea Nunes e María Rosendo; (dispoñible no catálogo da Rede de bibliotecas);
• Poñente, de Pere Tobaruela (dispoñible no catálogo da Rede de bibliotecas);
• 22 segundos, de Eva Mejuto (dispoñible no catálogo da Rede de bibliotecas e en Galicia Le);
• Fóra do normal, de María Reimóndez; (dispoñible en GaliciaLe e no catálogo da Rede de bibliotecas)
• A cabeza de Medusa, de Marilar Aleixandre (dispoñible nas bibliotecas e no catálogo de GaliciaLe).

Pere Tobaruela e “Poñente”

María Rosendo e o poemario “Diáspora do amor balea”

Andrea Nunes e o poemario “Diáspora do amor balea”

Marilar Aleixandre e “A cabeza de Medusa”

Tamén dentro da iniciativa #DesconfinarALingua da Rede de bibliotecas municipais da Coruña para as Letras Galegas 2020, as integrantes do club de lectura quixemos cubrirnos a cara con máscaras de creación en galego para destacar o papel universal e transversal da nosa lingua, eliminando barreiras abrindo a xanela grande de todo o que ofrece o idioma.

Alberto

Pablo

Bárbara

Jorge

Paola

Andrés

• Atuado na braña, de Xavier Quiroga (dispoñible no catálogo das bibliotecas e en GaliciaLe);
• Número e, X premio de poesía Espiral Maior, de Estíbaliz Espinosa, (dispoñible no catálogo das bibliotecas);
• Cousas, de Castelao (dispoñible no catálogo das bibliotecas e en GaliciaLe);
• Cousas de mortos, de Manel Cráneo; (dispoñible no catálogo das bibliotecas);
• Crac, de Gonzalo Hermo (dispoñible no catálogo das bibliotecas);
• Na república da intimidade, de Ricardo Seixo;

Tono

• O que arde, de Óliver Laxe (dispoñible no catálogo das bibliotecas);
• Canibalismo, de Marcos Abalde Covelo (dispoñible no catálogo das bibliotecas);
• Fulgor, de Budiño (dispoñible nas bibliotecas),
• Todo isto antes era noite, de Lucía Aldao (dispoñible nas bibliotecas).
• Querido Eduardo: cartas de Suárez Picallo a Blanco Amor (dispoñible nas bibliotecas)
• Machismos, de micro nada (dispoñible no catálogo das bibliotecas)

Que recomendacións nos fas ti para #DesconfinarALingua?

Máis propostas para un confinamento prorrogado

Á anterior programación de directos en instagram e sesións virtuais e abertas do club, súmanse agora estas novas convocatorias ás que vos convidamos a participar.

Para os directos, coma sempre, só necesitas conectarte a Instagram nos días e horas sinalados. Para as sesións virtuais, escríbenos un comentario nesta entrada ou un mail a bibliotecas@coruna.es e darémosche as credenciais para conectarte.

• xoves 23 de abril: directo en IG no DÍA DO LIBRO. Martín volve poñerse ante os micrófonos para falar coa libraría Berbiriana sobre as librarías como espazos seguros para o colectivo LGTB, sobre libros e sobre o público lector. Será ás 20.30h no IG do club @clubdelecturaqueerunha

• martes 28 de abril: Andrés fará un directo en IG coa Rede educativa de apoio LGBTIQ, a rede de profesorado e educadorxs en Galicia que traballan pola diversidade LGBTIQ+ nos centros educativos. Falarán, entre outras cousas, da importancia dos referentes e da literatura para un alumnado máis diverso. Será ás 20.30h no IG do club @clubdelecturaqueerunha

• mércores 29 de abril: sesión en zoom con Pablo Carreiro, autor vigués do cómic Chico!, que vén de liberar para a súa descarga e lectura gratuíta no confinamento.

Imaxe tomada de niusdiario.es

• mércores 6 de maio: monográfico “refuxiades LGTB“ e directo IG con Martín Iglesias, que dende Dresden está a traballar con persoas refuxiadas en distintos proxectos sociais e educativos. Será no  Instagram do club ás 20.30h.

• xoves 14 de maio: sesión en zoom arredor do relato A esencia da cidade que María Reimóndez creou no ano 2016 para a descarga libre polo Día internacional contra a violencia machista.

Imaxe tomada do blog de Xerais

• xoves 4 de xuño: sesión en zoom arredor do libro A cabeza de medusa, de Marilar Aleixandre, que está dispoñible para o préstamo en GaliciaLe, a plataforma de préstamo de libro electrónico.

Imaxe tomada de publico.es

• xoves 18 xuño: sesión en zoom arredor do cómic Capuccino commotion, de Rosa Navarro, dispoñible para a préstamo en ebiblio Galicia

Imaxe tomada da web da editorial

Que che parecen as propostas? Anímaste a participar?

Vídeo da sesión dos clubs de lectura con Marta Sanz e “Sherezade en el búnker”

En pleno periodo de confinamento e distanciamento social, case unha decena de clubs de lectura e preto de 60 persoas asistimos á xuntanza virtual con Marta Sanz, autora de Sherezade en el búnker (con descarga gratuíta) ou a recentísima pequeñas mujeres rojas (dispoñible en ebiblio).

O pasado 8 de abril publicamos unha entrevista con Marta Sanz co gallo desta sesión que organizamos desde o QUEERuña en colaboración co club de lecturas feministas O cuarto propio.

O resultado, unha experiencia satisfactoria que fixo confluír persoas diversas de distintos clubs de lectura, con diferentes plantexamentos ante a mesma historia confinada.

Podes ver a sesión completa no blog dos clubs de lectura xeneralistas da Rede de bibliotecas.